Spurt & Svarað (FAQ)

Ef þú finnur ekki svör við spurningu þinni hér, þá vinsamlegast sendu okkur línu á support@eplakort.is.

Inneignarkort

Hvernig fæ ég inneignarkortið afhent?

Við sendum aðgangskóðann sem er aftan á kortinu og leiðbeiningar um hvernig á að nota hann, með tölvupósti á netfangið sem þú notaðir á síðunni við kaupin. Þú færð tvo tölvupósta, annar er póstur með inneignarkóðanum og hinn er greiðslukvittunin. Ef þú óskaðir eftir inneignarkóða í formi gjafabréfs þá færðu það sem PDF viðhengi í tölvupóstinum frá okkur.

Hversu fljótt fæ ég inneignarkortið?

Kóðinn af inneignarkortinu eru venjulega sendur um leið og greiðsla hefur verið heimiluð, eða nokkrum mínútum frá kaupum. Við ábyrgjumst að senda þér inneignarkóðann innan við 1 klukkustund frá greiðslu. Ef kóðinn berst þér ekki innan þessara tímamarka, athugaðu fyrst „Junk Mail“/„Spam“ möppuna í tölvupóstinum þínum. Sé enginn póstur frá okkur þar, hafðu samband við okkur á support@eplakort.is og við göngum í málið.

Get ég treyst inneignarkortum frá Eplakort.is?

Já, Eplakort.is selur eingöngu löglega kóða frá viðurkenndum söluaðilum í Bandaríkjunum.

iTunes

Hvernig get ég notað iTunes inneignarkort frá Eplakortum á iTunes aðganginn minn sem er ekki bandarískur?

iTunes kortin frá okkur virka aðeins í iTunes Store USA. Ef þú átt þegar aðgang að iTunes verslun í öðru landi er einfaldast að breyta um land (í Bandaríkin) á iTunes aðganginum þínum

Ég er að reyna að búa til nýjan iTunes aðgang. Afhverju er „None“ ekki í boði á listanum yfir kreditkort?

Þú þarft að sækja frítt forrit í iTunes Store, til dæmis Hangman eða Google Earth og smella á “Create new account” til þess að geta stofnað aðgang án þess að gefa upp kreditkortanúmer. Hér eru ítarlegar leiðbeiningar um að opna nýjan iTunes aðgang.

Þarf ég að nota sama netfangið við stofnun iTunes aðgangs og ég notaði á Paypal?

Það skiptir engu máli hvaða netfang þú notar þegar þú kaupir kort frá Eplakort fyrir utan að það þarf að vera virkt og að þú hafir aðgang að því til að nálgast inneignarkóðann. Netföngin geta því verið þau sömu eða af sitt af hvoru tagi.

Getur eitthvað valdið því að iTunes aðgangurinn minn sé gerður óvirkur?

Það er þekkt að aðgangur sé gerður óvirkur ef notaðar hafa verið inneignir sem keyptar hafa verið með stolnu kreditkorti eða illa fengnar á annan hátt. Slík inneignarkort hafa fengist á vefjum á borð við eBay. Oftast kosta slík kort minna en inneignin sem fæst fyrir þau, en vandamálið er að sá sem kaupir kortið og notar það situr uppi með skaðann ef vandamál koma upp. Hafir þú keypt slíka inneign eða ert ekki viss, er ráðlegt að búa til nýjan iTunes aðgang til að nota með nýja kóðanum frá Eplakort.is.Leiðbeiningar um að opna nýjan iTunes aðgang.

Greiðslur

Hvaða greiðslumáta bjóðið þið uppá?

Það eru tvær greiðsluleiðir í boði. Þú getur greitt með:
   1. Kreditkorti (Visa, Euro Mastercard eða American Express)
   2. PayPal aðgangi

Þarf ég að nota bandarískt heimilisfang þegar ég versla á Eplakort.is?

Nei. Notaðu þitt rétta heimilisfang þegar þú verslar á Eplakort.is. Heimilisfangið sem PayPal þarf er svokallað „billing address“, sem er heimilisfangið sem kreditkortareikningarnir þínir eru sendir á.

Þarf ég að nota sama netfang við greiðslu á PayPal og ég nota á iTunes Store?

Það skiptir engu máli hvaða netfang þú notar þegar þú kaupir kort frá Eplakort fyrir utan að það þarf að vera virkt og að þú hafir aðgang að því til að nálgast inneignarkóðann. Netföngin geta því verið þau sömu eða af sitt af hvoru tagi.

Ég borgaði $28.95, af hverju fæ ég bara $25 inneign?

Það liggur mikil vinna á bakvið vefsíðu sem þessa og það kostar sitt að halda henni úti. Kostnaðurinn liggur meðal annars í að útvega kortin, eiga lager, halda úti vefsíðunni og veita þá þjónustu sem viðskiptavinir þarfnast.

Eru kreditkortaupplýsingarnar mínar öruggar?

Eplakort notar mjög örugga greiðslumiðla í gegnum örugga dulkóðaða tengingu á netinu (SSL). Vefsíðan okkar uppfyllir einnig allar öryggiskröfur varðandi meðhöndlun kreditkortaupplýsinga sem koma frá PCI DSS. (Payment Card Industry Data Security Standard)

Endurgreiðið þið inneignarkóða?

Inneignarkóðar eru ekki endurgreiddir og það er ekki hægt að skila þeim. Ef vandamál koma upp með inneignarkóða munum við senda þér annan kóða án auka kostnaðar, svo lengi sem eldri kóðinn hafi ekki verið notaður. Nauðsynlegt er að senda skjáskot eða ljósmynd af villunni sem kemur upp ekki seinna en 30 daga frá kaupum.